nakhwa dada nakhwa dada | नाखवादादा नाखवादादा
 |
| nakhwa dada nakhwa dada | नाखवादादा नाखवादादा |
nakhwa dada nakhwa dada | नाखवादादा नाखवादादा
❇️ ऐका. म्हणा. वाचा.👇
नाखवादादा नाखवादादा,
'खाडीपल्याड न्याल काय ?'
'खाडीपल्याड या वेळी,
सोन्या तुझे काम काय ?' ।। १ ।।
खाडीपल्याड उंच डोंगर,
डोंगरावर हिरवे रान,
सकाळच्या कोवळ्या उनात,
दिसेल किती छान छान ! ।। २ ।।
हिरव्या रानी शुभ्र ससे,
सशांचे डोळे लाल लाल.
त्यांना पाहून रागाने,
गुंजा आपले फुगवतील गाल. ।। ३ ।
फुलाफुलांत फुलपाखरे,
फुलपाखरांचे सोनेरी रंग.
उनात त्यांच्यासंगे न्हाती,
पक्षी आपले फुलवून अंग. ।। ४ ।।
पानापानांत दवबिंदू,
दवबिंदूंचे हिरे लाख.
कोवळ्या उनात झगमगती,
आभाळाचे निळे पाख. ।। ५ ।।
आभाळात रंगीत ढग,
ढगांमागे इंद्रकमान.
कमानीवर घेऊन झोके,
पाहयची आहे खाडीची शान. ।। ६ ।।
नाखवादादा, नाखवादादा,
'खाडीपल्याड न्याल काय ?'
‘सोनसळ्या कवडशा,
न नेऊन चालेल काय ?' ।। ७ ।।
नाखवादादा, नाखवादादा,
खाडीपल्याड नेण्यासाठी काय घ्याल ?
काही नको सोन्या मला,
पापीसाठी गुबरे गाल ! ॥ ८ ॥
--वसुधा पाटील
.jpeg)
0 Comments