Subscribe Us

shalastar sakhi savitri samiti rachna v karye | शाळास्तर सखी सावित्री समिती रचना व कार्ये

shalastar sakhi savitri samiti rachna v karye | शाळास्तर सखी सावित्री समिती रचना व कार्ये


shalastar sakhi savitri samiti
shalastar sakhi savitri samiti


shalastar sakhi savitri samiti rachna v karye

शाळास्तर सखी सावित्री समिती रचना व कार्ये

राज्यातील सर्व शाळांमध्ये मुला-मुलींच्या सुरक्षिततेसाठी व निकोप आणि समतामुलक वातावरण निर्मितीसाठी विविध स्तरावर सखी सावित्री समिती गठन करणेबाबत.

शालेय शिक्षण व क्रीडा विभाग

जी.आर. सांकेतांक क्र. 202203101103220221

दि. 10-03-2022

क्रांतीज्योती सावित्रीबाई फुले यांच्या 125 व्या स्मृतीदिना निमित्त राज्यातील सर्व शाळांमध्ये मुला-मुलींच्या सुरक्षिततेसाठी व निकोप आणि समतामुलक वातावरण निर्मितीसाठी सखी सावित्री समिती तयार करण्यात आली आहे.


💥  शाळास्तरावर सखी सावित्री समिती :-

1) शाळा व्यवस्थापन समितीचे अध्यक्ष :- अध्यक्ष

2) शाळेतील महिला शिक्षक प्रतिनिधी  :-  सदस्य

3) समुपदेशक :-  सदस्य

4) वैद्यकीय क्षेत्रातील तज्ञ ( महिला प्रतिनिधी ) :-  सदस्य

5) अंगणवाडी सेविका :-  सदस्य

6) पोलीस पाटील :-  सदस्य

7) ग्रामपंचायत सदस्य ( महिला प्रतिनिधी ) :-  सदस्य 

8) पालक ( महिला प्रतिनिधी ) :- सदस्य

9) शाळेतील विद्यार्थी प्रतिनिधी ( 2 विद्यार्थीनी व 2 विद्यार्थी ) :-  सदस्य

10) शाळेचे मुख्याध्यापक :-  सदस्य सचिव


➡️  शाळास्तरावर सखी सावित्री समिती ने करावयाची कार्ये खालीलप्रमाणे :-

1) आपल्या कार्यक्षेत्रातील १०० टक्के मुला-मुलींची ( दिव्यांग विद्यार्थी ) पटनोंदणी व १०० टक्के उपस्थिती साध्य करण्यासाठी गावातील प्रत्येक घरी शिक्षकांनी किंवा बालरक्षकांनी भेट देऊन विद्यार्थ्यांची नावनोंदणी करणे.

2) स्थलांतरीत झालेल्या पालकांच्या व शाळाबाह्य असलेल्या सर्व मुला-मुलींना सर्वेक्षणाच्या माध्यमातून शिक्षणाच्या मुख्य प्रवाहात दाखल करणे. 

3) विद्यार्थ्यांच्या भावनिक, शारीरिक व बौध्दिक विकासासाठी तसेच ताणतणाव मुक्तीसाठी मुला-मुलींचे व त्यांच्या पालकांचे समुपदेशन करणे. सजग पालकत्वासाठी कार्यशाळा आयोजित करणे.

४) मुला-मुलींच्या शिक्षणासाठी असणाऱ्या शासकीय योजनांची माहिती देऊन प्रभावी अंमलबजावणीसाठी कार्यवाही करणे.

5) मुला-मुलींना करियर संबंधी मार्गदर्शन करणे, कौशल्य विकसनासाठी विविध उपक्रम राबविणे. मुलींच्या स्व-संरक्षणासाठी स्वतंत्र प्रशिक्षण कार्यक्रम आयोजित करणे. 

6) मुला मुलींसोबत आरोग्यदायी सवयीसाठी संवाद साधणे आणि निरोगी जीवनासाठी स्थानिक डॉक्टरांच्या सहकार्याने आरोग्य शिबिर, समुपदेशन यांसारख्या विविध उपक्रमांचे आयोजन करणे.

7) आपल्या कार्यक्षेत्रातील बालविवाह रोखून, बालविवाहाचे होणारे दुष्परिणाम व बालविवाहाविषयी विद्यार्थ्यांच्या पालकांमध्ये जनजागृती निर्माण करणे व मुलींचे शिक्षण सुरू राहण्यासाठी प्रयत्न करणे. 

8) व्यावसायिक सामाजिक जबाबदारी (CSR) च्या माध्यमातून सामाजिक, भौगोलिक व आर्थिकदृष्ट्या दुर्बल व वंचित घटकातील मुला-मुलींच्या शिक्षणासाठी मदत करणे.

9) विविध कारणांमुळे मुला-मुलींचा होणारा अध्ययन र्‍हास कमी करण्यासाठी उपाययोजना करणे. 

10) शाळेत समतामुलक वातावरण राहील यासाठी लिंगभेद विरहित व समावेशक उपक्रम राबवणे. विद्यार्थी-विद्यार्थिनी कोणत्याही अत्याचाराला बळी पडणार नाहीत अशी निकोप वातावरण निर्मिती करणे. अपवादात्मक परिस्थितीत असे घडल्यास तक्रार दाखल करण्याबाबत लैंगिक गुन्ह्यांपासून बालकांचे संरक्षण कायदा (POCSO) अंतर्गत असलेल्या  ई-बॉक्स या राष्ट्रीय बाल अधिकार संरक्षण आयोगाने तयार केलेल्या सुविधेबाबतची माहिती तसेच महाराष्ट्र राज्य बाल हक्क संरक्षण आयोगाने तयार केलेल्या CHIRAG या App ची माहिती व चाइल्ड हेल्पलाइन नंबर (१०९८) बाबत सूचना फलक शाळेत लावले जातील याची खात्री करणे. 

11) समितीच्या महिन्यातून १ वेळा (आवश्यकता भासल्यास अधिक वेळा ) बैठका आयोजित कराव्यात. सदर बैठका शाळेत घेण्यात याव्यात, जेणे करून मुलामुलींचे प्रतीनिधी उपस्थित राहू शकतील. 

12) शाळास्तर समिती बैठकाचा अहवाल प्रत्येक महिन्याच्या १० तारखेपर्यंत केंद्रस्तर समितीसमोर सादर करावा. केंद्रातील कोणत्याही स्तरावर मुलींच्या शिक्षणाबाबत व इतर समस्यांबाबत निर्माण झालेल्या अडचणी केंद्रस्तर समितीमध्ये समजू शकतील व त्यावर तातडीने निर्णय घेणे शक्य होईल. 

13) सदर समित्यांचे फलक शाळेच्या/कार्यालयाच्या दर्शनी भागावर लावावेत.

सदर शासन परिपत्रक महाराष्ट्र शासनाच्या www.maharashtra.gov.in या संकेत स्थळावर उपलब्ध करण्यात आले असून त्याचा सांकेताक २०२२०३१०११०३२२०२२१ असा आहे. हे शासन परिपत्रक डिजीटल स्वाक्षरीने साक्षांकित करुन काढण्यात येत आहे. महाराष्ट्राचे राज्यपाल यांच्या आदेशानुसार व नावाने,

(इम्तियाज काझी)

सह सचिव, महाराष्ट्र शासन


शासन परिपत्रक पाहा 👇


आपणास हे ही वाचायला आवडेल ➡️ केंद्रस्तर सखी सावित्री समितीची रचना व समितीचे कार्य

आपणास हे ही वाचायला आवडेल ➡️ तालुकास्तर सखी सावित्री समितीची रचना व समितीचे कार्य

✳️ हे पण आवडेल वाचा - आयकर आकारणीची पद्धत मिळणारी एकुण वजावट

✳️ हे पण आवडेल वाचा - आयकर विवरण पत्र 2021-22 साठी वार्षिक पगारपत्रक Excel sheet व Pdf

✳️ हे पण आवडेल वाचा - Income tax calculator


🔰 आमच्या WhatsApp ग्रुपला "Join" होण्यासाठी लिंक.👇

🔰 Telegram ग्रुपला "Join" होण्यासाठी लिंक.👇

🔰 Facebook page "Join" होण्यासाठी लिंक.👇

🔰 Twitter ला "Join" होण्यासाठी लिंक.👇

🔰 Instagram ला "Join" होण्यासाठी लिंक.👇


▶️ विद्यार्थ्यांसाठी महत्वाची वेबसाईट.👇

▶️ शिक्षकांसाठी महत्वाची वेबसाईट.👇

▶️ आमच्या YouTube चॅनेलला आवश्य भेट द्या.

 

Post a Comment

0 Comments